También la comarca leonesa de La Cepeda mandó “Menas” a las Américas allá por 1750
15 añus Blas cumplía cuandu sin padres quedou
y un vecín lu recuyo di llastima qui yi diu.
A la escuela lu mandou a deprender el catón, y teniya buena mullera, peru pur lu que nada impurtaba,
preparaba cada pelutera qui revulucionaba la escuela.
El maestru dijuyi al padre aductivo, tengu que despedilu.
El padre dijuyi a la Gregoria:
—¿Qué facemus cun
el rapa?, di el maestru
qui nun pue cun él.
—¡Ah, embarcalu pa la
Habana!
—¿Ya que va facer allí?
—Ganar la manducatoria.
Pa la Habana lu embarcou.
Al poucu tiempu de estare allí, una carta yes escribiu:
En el barcu tous querianme muchu,
yera el unicu rapain sin padres,
regalarunme muchas cousas.
Cuandu desembarquei, tupeimi cun un siñurín pequeñín y cun sumbrerín,
buscaba un criadín sanu y culuradín,
trajume a sua casa, ye muy grandi, tien muchas tierras y praus, caballus, burrus y vacas a patadas.
¡Ah... peru al que más quier es a mí!
Diyi a la Gregoria que ganu bien la manducatoria.
Nicanor Blanco Omaña
El vieyu de Cunceyu
San Feliz de las Lavanderas (Llión)
22/07/24